Viksit Bharat Young Leaders Dialogue Quiz in Punjab: ਪੰਜਾਬ ਦੇ ਨੌਜਵਾਨਾਂ ਲਈ ਪ੍ਰਧਾਨ ਮੰਤਰੀ ਤੱਕ ਸਿੱਧਾ ਰਾਹ: ਵਿਕਸਿਤ ਭਾਰਤ ਕੁਇਜ਼ 30 ਸਤੰਬਰ ਤੱਕ ਖੁੱਲ੍ਹਾ: ਮਾਈ ਭਾਰਤ ਪੰਜਾਬ ਨੇ ਅੱਜ ਸੂਬੇ ਦੇ ਨੌਜਵਾਨਾਂ ਨੂੰ ਅਪੀਲ ਕੀਤੀ ਕਿ ਉਹ mybharat.gov.in ਉੱਤੇ ਰਜਿਸਟਰ ਕਰਕੇ ਵਿਕਸਿਤ ਭਾਰਤ ਕੁਇਜ਼ ਵਿੱਚ ਹਿੱਸਾ ਲੈਣ। ਇਹ ਵਿਕਸਿਤ ਭਾਰਤ ਯੰਗ ਲੀਡਰਜ਼ ਡਾਇਲਾਗ (VBYLD) 2027 ਦਾ ਪਹਿਲਾ ਪੜਾਅ ਹੈ ਅਤੇ ਇਸ ਵਿੱਚ 15 ਅਕਤੂਬਰ 2026 ਤੱਕ ਹਿੱਸਾ ਲਿਆ ਜਾ ਸਕਦਾ ਹੈ।
ਪ੍ਰੈੱਸ ਕਲੱਬ, ਚੰਡੀਗੜ੍ਹ ਵਿਖੇ ਮੀਡੀਆ ਨੂੰ ਸੰਬੋਧਨ ਕਰਦਿਆਂ ਸ੍ਰੀਮਤੀ ਰਸ਼ਮੀਤ ਕੌਰ, ਰਾਜ ਨਿਰਦੇਸ਼ਕ (ਕਾਰਜਕਾਰੀ), ਮਾਈ ਭਾਰਤ ਪੰਜਾਬ ਨੇ ਕਿਹਾ ਕਿ ਇਹ ਕੁਇਜ਼ ਪੰਜ ਪੜਾਵਾਂ ਦੀ ਪੂਰੀ ਤਰ੍ਹਾਂ ਯੋਗਤਾ-ਅਧਾਰਿਤ ਪ੍ਰਕਿਰਿਆ ਦਾ ਪਹਿਲਾ ਦਰਵਾਜ਼ਾ ਹੈ, ਜਿਸ ਦਾ ਸਿਖਰ ਜਨਵਰੀ 2027 ਵਿੱਚ ਨਵੀਂ ਦਿੱਲੀ ਵਿਖੇ ਮਾਣਯੋਗ ਪ੍ਰਧਾਨ ਮੰਤਰੀ ਜੀ ਦੇ ਸਾਹਮਣੇ ਚੁਣੇ ਹੋਏ ਨੌਜਵਾਨਾਂ ਦੀ ਪੇਸ਼ਕਾਰੀ ਹੋਵੇਗਾ।
VBYLD 2027 ਦਾ ਆਯੋਜਨ ਯੁਵਾ ਪ੍ਰੋਗਰਾਮ ਅਤੇ ਖੇਡ ਮੰਤਰਾਲਾ, ਭਾਰਤ ਸਰਕਾਰ ਵੱਲੋਂ ਕੀਤਾ ਜਾ ਰਿਹਾ ਹੈ ਅਤੇ ਮਾਈ ਭਾਰਤ ਇਸ ਦੀ ਕਾਰਜਕਾਰੀ ਏਜੰਸੀ ਹੈ।
1995 ਤੋਂ ਹੋ ਰਹੇ ਰਾਸ਼ਟਰੀ ਯੁਵਾ ਮਹੋਤਸਵ ਨੂੰ 2025 ਵਿੱਚ ਵਿਕਸਿਤ ਭਾਰਤ @2047 ਦੇ ਸੰਕਲਪ ਅਨੁਸਾਰ ਨਵਾਂ ਰੂਪ ਦੇ ਕੇ ਵਿਕਸਿਤ ਭਾਰਤ ਯੰਗ ਲੀਡਰਜ਼ ਡਾਇਲਾਗ ਬਣਾਇਆ ਗਿਆ। ਪਿਛਲੇ ਸੰਸਕਰਨ ਵਿੱਚ ਦੇਸ਼ ਭਰ ਤੋਂ 50 ਲੱਖ ਤੋਂ ਵੱਧ ਨੌਜਵਾਨਾਂ ਨੇ ਕੁਇਜ਼ ਦਿੱਤੀ ਅਤੇ ਲਗਭਗ 3,000 ਨੌਜਵਾਨ ਰਾਸ਼ਟਰੀ ਸੰਵਾਦ ਲਈ ਚੁਣੇ ਗਏ।
ਕੌਣ ਹਿੱਸਾ ਲੈ ਸਕਦਾ ਹੈ
15 ਤੋਂ 29 ਸਾਲ ਦੀ ਉਮਰ ਦਾ ਕੋਈ ਵੀ ਨੌਜਵਾਨ। ਰਜਿਸਟ੍ਰੇਸ਼ਨ ਅਤੇ ਸਾਰੇ ਡਿਜੀਟਲ ਪੜਾਅ ਮੁਫ਼ਤ ਹਨ ਅਤੇ ਮਾਈ ਭਾਰਤ ਪੋਰਟਲ ਉੱਤੇ ਕਈ ਭਾਸ਼ਾਵਾਂ ਵਿੱਚ ਉਪਲਬਧ ਹਨ। ਜੋ ਨੌਜਵਾਨ ਪਹਿਲਾਂ ਹੀ ਪੋਰਟਲ ਉੱਤੇ ਰਜਿਸਟਰ ਹਨ, ਉਨ੍ਹਾਂ ਨੂੰ ਦੁਬਾਰਾ ਰਜਿਸਟਰ ਕਰਨ ਦੀ ਲੋੜ ਨਹੀਂ, ਉਹ ਸਿੱਧਾ ਕੁਇਜ਼ ਦੇ ਸਕਦੇ ਹਨ।
2027 ਲਈ ਪੰਜਾਬ ਦਾ ਵਿਸ਼ਾ
ਇਸ ਵਾਰ ਮੰਤਰਾਲੇ ਨੇ ਰਾਸ਼ਟਰੀ ਵਿਸ਼ਿਆਂ ਦੀ ਥਾਂ ਦਸ ਖੇਤਰੀ ਸਮੂਹ ਬਣਾਏ ਹਨ। ਪੰਜਾਬ, ਦਿੱਲੀ, ਹਰਿਆਣਾ ਅਤੇ ਚੰਡੀਗੜ੍ਹ ਨਾਲ ਰਾਸ਼ਟਰੀ ਰਾਜਧਾਨੀ ਖੇਤਰ (ਨੀਤੀ ਨਗਰ) ਸਮੂਹ ਵਿੱਚ ਹੈ, ਜਿਸ ਦਾ ਵਿਸ਼ਾ ਹੈ “ਭਵਿੱਖ ਦਾ ਸੁਸ਼ਾਸਨ, ਸ਼ਹਿਰੀ ਰੂਪਾਂਤਰਣ ਅਤੇ ਨਾਗਰਿਕ ਸੇਵਾਵਾਂ”। ਭਾਗ ਲੈਣ ਵਾਲਿਆਂ ਸਾਹਮਣੇ ਸਵਾਲ ਹੈ: ਭਾਰਤ 2047 ਤੱਕ ਦੁਨੀਆ ਦੀ ਸਭ ਤੋਂ ਕੁਸ਼ਲ, ਪਾਰਦਰਸ਼ੀ ਅਤੇ ਨਾਗਰਿਕ-ਕੇਂਦਰਿਤ ਸ਼ਾਸਨ ਪ੍ਰਣਾਲੀ ਕਿਵੇਂ ਬਣਾ ਸਕਦਾ ਹੈ? ਜ਼ਿਲ੍ਹਾ ਪੱਧਰ ਦੇ ਵਿਸ਼ੇ ਇਸੇ ਥੀਮ ਨੂੰ ਖ਼ਾਸ ਤੌਰ ਉੱਤੇ ਪੰਜਾਬ ਦੇ ਸੰਦਰਭ ਵਿੱਚ ਲਾਗੂ ਕਰਨਗੇ।
ਅੱਗੇ ਦੀ ਪ੍ਰਕਿਰਿਆ
● ਵਿਕਸਿਤ ਭਾਰਤ ਕੁਇਜ਼ (ਡਿਜੀਟਲ) — ਮਾਈ ਭਾਰਤ ਪੋਰਟਲ ਉੱਤੇ 30 ਸਤੰਬਰ 2026 ਤੱਕ
● ਵਿਕਸਿਤ ਭਾਰਤ ਲੇਖ (ਡਿਜੀਟਲ) — ਚੁਣੇ ਹੋਏ ਭਾਗੀਦਾਰਾਂ ਵੱਲੋਂ 500 ਸ਼ਬਦਾਂ ਦਾ ਲੇਖ, ਤਾਰੀਖ਼ਾਂ ਪੋਰਟਲ ਉੱਤੇ ਦੱਸੀਆਂ ਜਾਣਗੀਆਂ
● ਜ਼ਿਲ੍ਹਾ ਚੈਂਪੀਅਨਸ਼ਿਪ — ਨਵੰਬਰ 2026; ਹਰ ਜ਼ਿਲ੍ਹੇ ਦੇ ਚੋਟੀ ਦੇ 50 ਲੇਖ ਪੇਸ਼ਕਾਰੀ ਕਰਨਗੇ, ਚੋਟੀ ਦੇ ਦੋ ਰਾਜ ਪੱਧਰ ਲਈ
● ਰਾਜ ਪੱਧਰੀ VBYLD — ਨਵੰਬਰ–ਦਸੰਬਰ 2026, ਰਾਜ ਹੈੱਡਕੁਆਰਟਰ ਵਿਖੇ
● ਰਾਸ਼ਟਰੀ ਸੰਵਾਦ — ਨਵੀਂ ਦਿੱਲੀ, 10 ਤੋਂ 12 ਜਨਵਰੀ 2027, ਕੇਂਦਰੀ ਮੰਤਰੀਆਂ, ਸਕੱਤਰਾਂ ਅਤੇ ਮਾਣਯੋਗ ਪ੍ਰਧਾਨ ਮੰਤਰੀ ਜੀ ਦੇ ਸਾਹਮਣੇ
ਇੱਕ ਨਹੀਂ, ਛੇ ਟਰੈਕ
ਵਿਕਸਿਤ ਭਾਰਤ ਚੈਲੇਂਜ ਟ੍ਰੈਕ ਦੇ ਨਾਲ-ਨਾਲ, VBYLD 2027 ਪੰਜ ਹੋਰ ਟ੍ਰੈਕ ਵੀ ਚਲਾਉਂਦਾ ਹੈ: ਸੱਭਿਆਚਾਰਕ (ਲੋਕ ਨਾਚ, ਲੋਕ ਗੀਤ, ਚਿੱਤਰਕਾਰੀ, ਭਾਸ਼ਣ/ਵਕਤ੍ਰਿਤਵ, ਕਵਿਤਾ ਲੇਖਣ), ਡਿਜ਼ਾਈਨ ਫ਼ਾਰ ਭਾਰਤ, ਹੈਕ ਫ਼ਾਰ ਸੋਸ਼ਲ ਕੌਜ਼, ਅਤੇ ਹਾਲ ਹੀ ਵਿੱਚ ਸ਼ਾਮਲ ਕੀਤਾ ਗਿਆ ਯੂਥ।
“ਇਹ ਪ੍ਰਤਿਭਾ ਦਾ ਪ੍ਰਦਰਸ਼ਨ ਨਹੀਂ, ਪ੍ਰਤਿਭਾ ਦੀ ਖੋਜ ਹੈ। 2047 ਵਿੱਚ ਇਸ ਦੇਸ਼ ਦੀਆਂ ਸੰਸਥਾਵਾਂ ਜਿਹੜੇ ਨੌਜਵਾਨ ਚਲਾਉਣਗੇ, ਉਹ ਅੱਜ ਪੰਜਾਬ ਦੇ ਹਰ ਜ਼ਿਲ੍ਹੇ ਵਿੱਚ ਮੌਜੂਦ ਹਨ। ਸਾਡਾ ਇੱਕੋ ਕੰਮ ਇਹ ਯਕੀਨੀ ਬਣਾਉਣਾ ਹੈ ਕਿ ਉਨ੍ਹਾਂ ਵਿੱਚੋਂ ਕੋਈ ਵੀ ਇਹ ਤਾਰੀਖ਼ ਮਿਸ ਨਾ ਕਰੇ” — ਸ੍ਰੀਮਤੀ ਰਸ਼ਮੀਤ ਕੌਰ, ਰਾਜ ਨਿਰਦੇਸ਼ਕ (ਕਾਰਜਕਾਰੀ), ਮਾਈ ਭਾਰਤ ਪੰਜਾਬ
